我哋守護粵語好開心可以話畀大家聽而家喺谷歌翻譯有粵語嘅選擇啦！呢個消息係對於全球八千多萬講廣東話嘅人嚟講係一個重大嘅勝利。如果冇咗你哋一直以嚟嘅堅持同努力去守護呢個充滿活力嘅語言，呢件事係冇可能會發生嘅。
谷歌粵語翻譯團隊背後嘅語言學家同守護粵語嘅長期支持者劉銘霏對呢個成就感到自豪：
「粵語得到谷歌翻譯嘅支援係呢個語言發展嘅里程碑，有助向世界宣言粵語係真正一個成熟、有制度同繁榮嘅語言。」— 劉銘霏，谷歌粵語翻譯團隊語言學家。
咁多年嚟，粵語都一直係喺谷歌翻譯入面最多人要求去增加嘅語言之一。我哋嘅聲音終於被聽到啦，證明咗我哋呢個熱情社群嘅集體力量！
建造粵語翻譯嘅未來
同每一個新產品一樣，粵語翻譯係有改善嘅空間。我哋邀請你去嘗試谷歌翻譯嘅粵語功能，而提供任何尊貴嘅意見。你嘅意見可以幫助我哋改善粵語翻譯嘅技術同影響未來嘅發展。
提升粵語學習工具
谷歌嘅粵語翻譯係對於語言學習一個重大嘅發展，包括幾種嘅輸入法：
- 粵拼 — 粵語嘅拼音系統，可以幫助學緊去讀或者寫中文字體嘅人士
- 倉頡 — 如果你已經熟悉中文字體，倉頡係一個快捷嘅輸入法
- 手寫 — 谷歌亦都可以認出手寫嘅中文字
另外，谷歌嘅粵語翻譯仲有其他功能：
- 文字轉語音 — 用高質素嘅語音讀出粵語
- 語音轉文字 — 透過麥克風將你講嘅粵語變成文字
- 圖片 — 將餐牌、路牌或者粵語嘅圖案翻譯
- 文件 — 將報告、幻燈片或其他個人文件翻譯
- 網站 — 將成個網站翻譯到粵語！
「因為粵語有六個獨特嘅音調，呢個語言對好多人嚟講都係一個比較難學嘅語言之一。谷歌翻譯加入咗粵語除咗對粵語人士帶嚟身份認同之外，亦都對於培養文化交流同埋理解有實際嘅意義。再加上人工智能嘅迅速發展，我希望谷歌翻譯嘅新功能可以繼續持續我哋團體及社會對廣東文化嘅保存意識，令更多人可以欣賞同參與呢個文化。」— 守護粵語翻譯團隊嘅組長 David。
用粵語拯救生命
對於好多淨係識講粵語嘅弱勢人士，尤其是係長者，翻譯服務可以係喺生死關頭發揮一個重要嘅角色。當遇到危急嘅情況底下，谷歌翻譯可以為講粵語嘅人用母語提取重要嘅資訊同服務。
「 谷歌翻譯可以為唔識講英文嘅病人有機會用自己嘅語言同醫療保健提供者溝通，唔需要等待翻譯員，亦都更加容易明白接受緊嘅服務。」— 守護粵語三藩市城市學院領袖關美欣。
今日係守護粵語同埋所有粵語社群嘅一個新篇章。我哋要繼續利用科技去保存同埋發展呢個豐富嘅語言畀後世代嘅人！